Tu khud ki khoj me nikal
Tu kis liye hatash hain
Tu chal tere wajood ki
Samay ko bhi talash hain
Jo tujhase lipati bediyaan
Samaj na inko vastra tu
Ye bediyaan pighaal ke
Bana le inko shastra tu
Charitra jab pavitra hain
To kyon hain ye dasha teri
Ye papiyon ko haq nahi
Ki le pariksha teri
Jala ke bhasm kar use
Jo krurata ka jaal hain
Tu aarti ki lou nahi
Tu krodh ki mashal hain
chunar udaa ke dhwaj bana
gagan bhi kapkapyega
agar teri chunar giri
to ek bhukamp aayega
Tu khud ki khoj me nikal
Tu kis liye hatash hain
Tu chal tere wajood ki
Samay ko bhi talash hain
- Tanveer Ghazi